Fakkena bieggapárkkas leat dál 18 turbiinna. Dat ásahuvvui 2010, ja buvttada juohke jagi sullii 150 GWh. Párkka viiddideamis dasa lasihivčče 11 ođđa turbiinna, maid kapasiteahtta livččii lagabui 200 GWh. Oktiibuot sáhttá de buvttadit lagabui 350 GWh juohke jagi, mii vástida sullii beali Romssa suohkana olles rávdnjegeavahusas.
- Lea čielggas ahte mii Norggas dárbbašit buvttadit eanet rávnnji, vai ollašuhtit energiijanuppástusa ulbmiliid. Mii oaidnit dál ahte geavaheapmi lassána nannosit Davvi-Norggas dálá ealáhusaid elektrifiserema geažil ja ođđa industriija ásaheami geažil. Dasa, ja maiddái servodaga oppalaš elektrifiseremii manná dálá badjebáza moatti jagi siste. Troms Kraft ulbmilin lea ovddidit ruoná molsašumi nannosit, ja vuoruha danin fierpmádaga huksema ja ođasmuvvi rávnnji buvttadeami, dadjá Semming Semmingsen, Troms Kraft konseardnahoavda.
Dál leat bargamin lágain, mii addá gielddaide stuorat váikkuhanválddi bieggamillopárkkaid ásaheapmái, ja stuorát oasi boađuin, mat rusttegiin bohtet. Dan geažil eai sáhte dál meannudit ođđa bieggafápmodoaibmalobiid. Ođđa doaibmalobi háhkanproseassa lea dattetge nu viiddis ja áddjái, ahte Troms Kraft lea válljen guorahallagoahtit ášši dál jo. - Jos áigut olahit 2030 ulbmiliid, eat oainne molssaeavttuid bieggamillopárkkaid huksemii nannamii. Dat lea hálbbimus elrávdnji, maid sáhttit kundariidda fállat, ja lea jođáneamos hukset. Mii jáhkkit bieggafámu geasuhišgoahtit gielddaid sakka eanet, go ođđa boahtovuogádat ásahuvvo, go dat buktá stuorra boađuid ja vejolašvuođaid ođđa bargosajiide. Dál álggus mii ovddidit Gálssá bieggapárkka, go jo leat álgán doppe ja mis lea buorre gulahallan berošteddjiiguin, dadjá Semmingsen.
Troms Kraft oaidná ereliiggán mávssolažžan, ahte suohkan ja sii geaidda ášši guoská Várdnasullos, váldet ášši vuostá bures. Lea ereliiggán mávssolaš gulahallat bures boazodoaluin. - Troms Kraft atná mávssolažžan ovttasbargat sámi beroštumiiguin. Mii dahkat dan maid sáhttit, vai láhčit dili dasa ahte min ealáhus galgá sáhttit doaibmat bálddalagaid boazodoaluin, dadjá Semmingsen.