Troms Kraft lea ásahan Guoddinnákcafoandda movttiidahttima dihtii ovttasbargoguimmiid, joavkkuid ja servviid bidjat leavttu ja háltti ruoná lotnahuvvamis. Juohke jagi várrejuvvo 500.000 ruvdnu dán ulbmilii, ja ohcanáigi lea jahkásaččat miessemánu 1. b. ja skábmamánu 1. b. Dán čavčča leat guhtta jovkui/searvái juolluduvvon doarjja Guoddinnákcafoandda bokte.
Sosiála guoddinnákca sámi valáštallamis
Sámi Valáštallan Lihttu (SVL) lea dán čavčča juohkimis ožžon doarjaga Ovttas prošektii. Sosiála guoddinnákca lea čoavddasátni dán áŋgiruššamis, mas luohttámuša, gullevašvuođa, identitehta ja searvadahttima guovdilastin báikegottis šaddá dehálaš. Prošeakta galgá oainnusmahttit sámi valáštallama Finnmárkku, Romssa ja Nordlánda buot gielddain, mas bajit mihttomearrin lea ovddidit sámi valáštallama sámi árbevieruid, kultuvrralaš searvevuođa ja buori ustitvuođa bokte.
Sámi valáštallan galgá vuođđuduvvot árbevirolaš sámi kultuvrii, mas aktivitehtat galget leat sámi ealáhusdoaimmaid vuođul nugo boazodili ja meahcceealáhusa.
Čáhcevuđot aktivitehtaid rájes Gáivuonas gitta sabehiidda ja njuikumii Romssa gávpogis
Gáivuona gieldda mánát ja nuorat sáhttet illudit doarjaga ovddas čavčča juolludeami bokte. Almmáivákki nuoraid- ja valáštallansearvi dat lea ohcan ja ožžon doarjaga ražastit čázis ja mearas aktivitehtain. Sii áiggošedje ovddidit čáhcevuđot aktivitehtaid dearvvaš, birasustitlaš ja geasuheaddji aktivitehtan mánáide ja nuoraide Gáivuonas.
Tromsø Alpinklubb ja Tromsø Skiklubb leat goabbáge ožžon doarjaga ođastit LED-čuovggaid. Tromsø Skiklubba stuorámus njuikenluohkká huksejuvvui 1994:s ja das leat boares čuovgarevraarmaturat goappašiid bealde čierastanláhtu bajábealde njuikehaga, ja Guoddinnákcafoandda ruđain lea Njuikenjoavku dál molsun daid boares čuovgarevraarmaturaid LED stripsaiguin.
Čuovgga oaččui maiddái Kulhaugen Velforening, mii lea ohcan doarjaga čuvgehit lagašbirasrusttega Iggavuonas. Dása leat ceggen fiinna rusttega oktan suhkáin, sáttokássain, muorrabarttain, pumpatrackain, stealliin ja plenain.
Lieggapumppaidege lei sadji dán čavčča juolludeamis. IL Ulfstind doaimmaha goanstarásserusttega ja klubbadálu, maid miellahtut ja gili olbmot atnet. Klubbadálus rahčet doallamin lieggasa buolaš áiggiid, ja Guoddinnákcafoandda doarjagiin sáhttet dál oastit guokte liggenpumppa.
Foto: Ingun A. Mæhlum (Fra venstre: Frøydis Dalseng og Inger Johnsen, Troms Kraft)