Troms Kraft lea ásahan Guoddinnákcafoandda movttiidahttin dihtii ovttasbargoguimmiid ja servviid bidjat leavttu ja háltti ruoná lotnahuvvamis. Juohke jagi várret 500.000 ruvnnu dán ulbmilii, ja ohcanáigi lea juohke jagi miessemánu 1.b. ja skábmamánu 1.b. Dán giđa leat logi searvái mieđihan doarjaga Guoddinnákcafoandda bokte.
Mánát ja nuorat guovddážis
Giđa ohcciin ledje máŋgasis ulbmillaš doaimmat mánáid ja nuoraide várás. Okta mii lea ožžon doarjaga lea CISV Troms Fylkeslag (Romssa Fylkkasearvi). Sii áigot lágidit nuoraiddeaivvadeami Romssas gos dan ulbmilin lea nuoraid oažžut dihtomielalažžan muhtin daid báikkálaš ja globála hástalusaide mat mis dál leat, oktan dálkkádatnuppástusaiguin, sođiin ja riidduin, geafivuođain ja guoddinnávccain.
Dán giđa juolludemiid gaskkas leat máŋga buori doaimma oaivvilduvvon mánáide ja nuoraide Romssas:
- Soløy Idrettsgruppe Loabáha (Lavangen) gielddas oažžu doarjaga čađahit mátkemeahccedádjadeami mánáide ja nuoraide
- Øverbygd Hopp oažžu doarjaga oastit LED-čuovggaid Skjærhaugena njuikehahkii i Málatvuomi (Målselv) gielddas
- «Gode valg» prošeakta, doaibma Omasvuona (Storfjorden) gieldda nuoraide
- Tromsø Storm Ungdom oažžu doarjaga oastit biebmogalmmiheaddji
- European Youth Parliament lea ožžon doarjaga lágidit nuoraidkonferánssa
Musihkka ja liekkas
Borgtun Musikkorps áiggošii geahpedit bábiratnima ja oažžu Guoddinnákcafoanddas doarjaga oastit iPad´iid. Dán láhkai geahpedit sii nohtaid čállima báhpárii. Korpsas rokkefestiválii; Manndalen Husflidslag Gáivuona (Kåfjord) gielddas lea ožžon ruđa Spinnvill rokkefestivalii dán giđa juolludeami bokte.
Dán jagi nugo diibmáge, leat juolludan ruđa oastit liggenpumppaid. Dán vuoru lea Samfunnshuset BL Fremad Gálššá (Karlsøy) gielddas ja Mestervik gille – ja valáštallansearvi Báhccavuona (Balsfjord) gielddas mat sáhttet illudit ođđa liggenpumppaiguin lasihit energiijabeavttálmahttima.
Leago du searvvis dáhttu bargat guoddinnávccalaččat? Dalle du hásttuhat ohcat doarjaga Guoddinnákcafoandda bokte ovdal skábmamánu 1. b. 2023.