Suohkanat, joavkkut ja searvvit sáhttet ohcat doarjaga Troms Kraft Produksjon Fápmofoanddas. Doarjja galgá geavahuvvot doaimmaide mat ovddidit orrunhálu ja bissunhálu, ja maid gearggusvuođa nannemii, dain suohkaniin gos mis lea fápmobuvttadeapmi.

Fápmofoanda - Kraftfondet lea Troms Kraft Produksjon doarjja suohkaniidda, joavkkuide ja servviide mat barget orrunhálu ja bissunhálu ovddidemiin, dahje doaimmaiguin mat nannejit báikkálašservvodaga gearggusvuođa. Jus don orut suohkanis gos mii buvttadit elfámu de sáhtát don ohcat doarjaga dán foanddas (geahča guđiin suohkaniin lea sáhka min njuolggadusain dás vuollelis).

Mii háliidit ahte doarjja lea fárus dahkame orruma suohkaniin gos mis lea fápmobuvttadeapmi eambbo oadjebassan ja eambbo geasuheaddjin.

  • Kraftfondet doarjja galgá nannet suohkana ássiid gearggusvuođa. Dat sáhttet leat doaimmat mat leat dárbbašlaččat heivehit dálkkádahkii, muhto sáhttet maid leat gearggusvuođa doaimmat olbmuide geat liikojit vánddardit luonddus dahje báikkálašservvodagas.
  • Kraftfondet galgá doarjut eaktodáhtolaš joavkkuid ja servviid mat hábmejit doaimmaid iežaset miellahtuide. Doaimmaid mat leat fárus nanneme orrunhálu ja bissunhálu leat hui dehálaččat báikkálaš servvodagaide, ja mii háliidit leat fárus doarjume dán barggu.

Mii juolludit doarjaga guovtte geardde jagis. Ohcanáigemearri lea miessemánu 1. beaivvi ja skábmamánu 1. beaivvi. Ohcamušat mat bohtet maŋŋel daid dáhtoniid meannuduvvojit boahtte juolludeamis.

Loga eambbo Kraftfondet – Fápmofoandda birra dáppe.

Kraftfondet Fápmofoandda njuolggadusat

Čuovvovaš njuolggadusat gustojit Troms Kraft Produksjon Kraftfondet doarjagiid juolludeamis:

  • Foanda galgá veahkkin nanneme orrunmiela, bissunhálu ja báikkálaš gearggusvuođabarggu dain suohkaniin gos Troms Kraft buvttada elfámu.
  • Doarjja sáhttá juolluduvvot doaimmaide maid suohkanat ja eaktodáhtolaš joavkkut, searvvit ja organisašuvnnat barget, ráhkadit orrunmiela, bissunhálu ja nannet gearggusvuođa iežaset áššiide.
  • Ohcci ferte lea fitnodatregistarii čálihuvvon, ja das ferte gullevašvuohta suohkanii gos fápmobuvttadeapmi dáhpáhuvvá. Dát suohkanat leat Gáivuotna, Omasvuotna, Ivgu, Málatvuopmi, Sáččá, Romsa ja Gálsa.
  • Ohcci fertet buktit prošektii plána ja bušeahta, mas leat vel evttohusat das movt sii áigot čalmmustahttit ahte Troms Kraft Produksjon lea dorjon dan.

Maŋŋel go prošeakta lea čađahuvvon de galgá ohcci buktit raportta mii čilge dan barggu mii lea čađahuvvon Kraftfondet doarjagiin. Raporttas galget golut masa foandaruhta lea geavahuvvon dokumenterejuvvot. Raporta sáddejuvvo Troms Kraft Produksjon AS:i, adm.dir. Helge Mikal Eklund e-postii: helge.eklund@tromskraft.no

Kraftfondet doarjja ii galgga geavahuvvot dása:

  • Ovttaskasolbmuide dahje joavkkuide mat eai gula jovkui, searvái dahje organisašuvdnii
  • Doaimmat main kommersiealla ulbmilat
  • Doaimmat mat dábálaččat leat almmolaš hálddašeddjiid ovddasvástádus
  • Studeanttaide, studeantadoaimmaide, fitnodatvaláštallamii, russaide ja russalágidemiide
  • Mátkkiide/tuvrraide
  • Politihkalaš organisašuvnnaide dahje oskkolaš organisašuvnnaide

Šiehtadusvuohki

Olles doarjja mákso oktanis, iige moatti jagi badjel. Eanemus doarjja maid sáhttá oažžut leat 50 000 ruvnno.

Maid mii gáibidit ohccis oažžut

Mii gáibidit ahte ohcci movt nu profilere Troms Kraft Produksjon. Movt dan dahká árvvoštallojuvvo, ja sáhttá leat iešguđetge ládje, sihke juohke ovtta dáhpáhusas ja das mii orru buot eanemus jierpmálaš ja ávkkálaš.