1. Konseartna birra
I Stock 515963481 edit2 darken

Konseartna birra

Troms Kraft lea almmolaš oamastuvvon el-fápmofitnodat, mii buvttada, juogada ja vuovdá elrávnnji 100% ođasmahtti energiijagálduin.

Troms Kraftas lea leamaš dehálaš sajádat servodatovdáneamis das rájes go dat álgogeneráhtorat skáhppojedje olbmuide čuovgga dáluide, 1800-logu loahpas. Das rájes leat mii dađis eanet šaddan sorjavaččat elrávnnjis. Min elrávdnji lea čoavddadahkki industriijas ja gávppašeamis, ruovttuin ja almmolaš bálvalusain, ja sáhttit roahkka dadjat ahte elfápmoneahta huksen lea min árgabeaivvi nuppástuhttán.

Dál lea fas eará stuorra rievdadus min ovddabealde. Troms Kraft áiggošii váldit jođiheaddji saji ruoná lotnahuvvamis. Dan dahkat vuosttažettiin go láhčit dili dasa ahte sáhtosteapmi ja industriija vel eanet elektrifiserejuvvo, ja mii dál lea fossiila energiijagálduid duohken. Muhto áiggošeimmet maiddái bagadit ja oalgguhit kundariid ja doaibmaoasálaččaid buot dásiin, ásahan dihtii leavttu ja háltti nuppástuhttimis.

Danne lea min višuvdna: “Fápmu rievdadit – ovttas!”

Organisašuvdna

Troms Kraft oamastit Troms Holding (60 %) ja Romssa gielda (40 %). Gávpelágádus lea nuppiid sániiguin oktasaš opmodat Romssa álbmogii.

Konseartnas leat njeallje strategalaš váldosuorggi: fápmobuvttadus, fápmojuohkašupmi, fápmovuovdin ja elektrifiseren. Dát leat ordnejuvvon earálágan vuolit gávpelágádusaide:

  • Troms Kraft Produksjon oamasta ja lea doaibmaovddasvástádus 10 čáhcefápmorusttegiidda ja 1 bieggapárkii. Troms Krafta ollesoamastuvvon vuollásaš gávpelágádus.
  • Arva lea riikaoasi stuorámus el-fierpmádatfitnodat. Troms Kraft oamasta stuorát oasi 60 %, Bodø Energi ja Dragefossen oamastit báhcán 40 %.
  • Ishavskraft lea Norgga okta stuorámus elrávdnjevuovdiin. Troms Kraft ollesoamastuvvon vuollásaš gávpelágádus.
  • Fjuel Tromsø galgá fállat nannánelrávnnji fatnasiidda mat fitnet Tromsø Havnas. Troms Kraft oamasta 51 %, Tromsø Havn fas báhcán 49 %.

Oamasteaddjit

Oamasteaddjit: Troms Holding AS (60%) ja Romssa gielda (40%)
  • Troms Kraft AS
  • Frost Kraftentreprenør AS (49%)
    Ymber AS (16,67%)
    Glomfjord Hydrogen AS (15,21%)
  • Troms Kraft
    Produksjon AS
  • Arva AS (60%)
  • Ishavskraft AS
  • Fjuel Tromsø AS (51%)

Servodatovddasvástádus

Min servodatdoaibma lea sihkkaris fápmováráiduhttin, ja bargat ruoná lotnahuvvama ovdii. Dasa lassin leat mis guhkes vierut doarjut smávit ja stuorát prošeavttaid min báikegottiin, ja leat rámis doaibmaoasálaš moanaid doaibmabijuide erenoamážit mánáid ja nuoraid ektui. Leat bidjan čielga mihtuid guoddinnákcii, ja galgat leat ovddasduvdin ruonábut servodahkii nuppástuhttimis. Danne almmuhat Troms Kraft guoddinnákcafoandda, masa jahkásaččat várret 500 000 ruvnnu prošeavttaide mat veahkehivčče joavkkuid ja servviid doaimmahit ruonábut.