Prošeavtta birra
Fakken bieggafápmopárka lea Várdnásullos, Gálssa suohkanis. Bieggafápmodoaimmahagas lea vuosttaš huksenoasis ceggen 18 millu main 54MW beaktu. Jahkásaš buvttadeapmi lea sullii 139 GWh.
Troms Kraft áiggošii dál viiddidit Fakken bieggafápmopárkka 11 ođđa bieggamilluin, dan prošeavtta leat mii válljen gohčodit Fakken II. Dát huksen duppalasttášii dálá buvttadeami, ja nu buvttášii jahkásaš fápmobuvttadeapmi mii lea sullii 340 GWh.
Fakken II bargu álggahuvvui orienteremiin man doalaimet Gálssa suohkanstivrii skábmamánu 1. beaivvi 2022:s. Doppe čielggadii Troms Kraft makkár proseassa lea álggus gitta dassážii go dáhkko loahpalaš mearrádus viiddidit Várdnásullo bieggafápmopárkka. Dát mearrádus dáhkkojuvvo maŋŋel go huksema konsešuvdnaproseassa ja váikkuhusčielggadeamiprográmma lea čađahuvvon, dát láve dábálaččat ádjánit máŋga jagi.
Lea Gálssa suohkan mii mearrida galgá go beassat álggahit konsešuvdnaproseassa Fakken II:i. Plána mielde galgá suohkanstivra meannudit dán 2023 giđa. Huksema barggu ovdáneami sáhttet Gálssa suohkana ássit čuovvut dán neahttasiiddus, ja maid čoahkkimiin gos lea vejolašvuohta buktit iežas oaiviliid Troms Kraftii. Vuosttaš diehtojuohkinčoahkkin lea Vannvågas juovlamánu 5. beaivvi 2022 ja dan lágida Østre-Vannøya utviklingslag (Nuorttit Várdnásullo ovdánahttinsearvi).
Dán neahttasiiddus gávnnat dieđuid ja ođđasiid Fakken II viiddideami birra. Dáppe gávnnat maid generealla dieđuid norgga fápmovuogádaga birra, makkár dárbbut mis leat hukset eambbo fápmobuvttadeami ja dan máhttovuođu mii lea dáhkkojuvvon bieggafámu birra mii leat gáttis. Jus dus leat jearaldagat de sáhtát váldit oktavuođa Troms Kraftain.
Gaskaboddosaš olahusplána
