Min fápmobuvttadeaddjit leat Troms Kraft Produksjon ja Troms Kraft Vind, mat leat Troms Kraft AS vuollefitnodagat maid dat ollásii eaiggáduššá. Troms Kraft Produksjon lea doaibmaovddasvástádus 10 čáhcefápmorusttegis, ja dat eaiggáduššá daid. Oktiibuot buvttada Troms Kraft sullii 1100 GWh, mii lea seamma mađe go maid 50 000 dállodoalu geavahit jahkásaččat.
Guoddevaš fápmobuvttadeapmi
– ruoná molsašuddama eaktun
Ođasmahtti energiija lea okta oassi globála ja báikkálaš dálkkádathástalusaid čovdosis.
Čáhcefápmu lea erenoamáš ruoná energiijagáldu. Buot čáhci mii geavahuvvo fápmobuvttadeamis sáhttá geavahuvvot fas nuppes – ii mihkkege jávkka iige rievdda. Čáhcefápmobuvttadeamis leat maiddái hui unnán dálkkádatgássaluoitimat. Troms Kraft lea máŋgga buolvva áigge jorahan čázi elrávdnjin. Norggas leat measta buot vejolaš čáhcefápmovejolašvuođat geavahusas, muhto mii čađat bargat dálá rusttegiid optimaliseremiin, lasihan dihte doaibmanávccaid ja buvttadeami.
Bieggafápmu lea maiddái nohkatmeahttun ja ođasmahtti energiijagáldu, mas ii leat luoitin. Juoga mii mis ii váillo dáppe davvin lea dálki. Dálkkádatmihttomeriid olaheapmái lea bieggaresurssaid ávkkástallan dehálaš, ja biegga lea garraseamos daid áiggiid jagis goas energiija eanemusat dárbbašuvvo. Mii, Troms Kraft, rabaimet 2012:s min vuosttaš ja dalle Davvi-Norgga stuorámus bieggapárkka; Fakken, mii lea Várdnásullos Gálssa suohkanis.
Dál lea dáhpáhuvvame historjjálaš energiijamolsun, mas elektrifiseren lea guovddážis. Troms Kraft váldobuvtta lea elrávdnji, ja mii áigut leat aktiivvalaččat fárus go min servvodat galgá rievdat eambbo guoddevažžan. Dás leat gáibádusat, eai dušše min iežamet fápmobuvttadeapmái – mii galgat láhčit dili nu ahte earát maid sáhttet searvat ruoná molsašuddamii. Dan dihte lea ge fitnodaga višuvdna: Fápmu rievdadit servvodaga – ovttas! Kraft til å endre – sammen!
